Folasaga
O le gagana, “O le fale o oloa tāua” (Le Tagaloa, 1996) o loo taaofa’i ai le sosia male tamaoaiga o le lalolagi o tagatanuu o Samoa. E pei ona taua i le Tofamanino a Samoa, O tama a manu, e fafaga i fuga o laau, o tama a tagata e fafaga i upu ma tala. O le gagana o le taiala lea e a’oa’o ma fofoa ai o tatou mafaufau ia poto ma ia iloa le soifuaga o le lalolagi fa’a-Samoa (Le Tagaloa, 1996).
Ou te talitonu, e tu mati’e lava Samoa i lana gagana, aua e tasi le gagana ae eseese ona tafa poo malosiaga, fai ole gagana fa’afailauga, gagana faaaloalo, gagana fa’akerisiano, gagana fa’avaoli’a poo le fa’auigalua ma le gagana valiata, o ituaiga malosiaga ia o loo tiu ai le Samoa i aso uma. O tafa ia o le gagana Samoa e ese mai ai mai i isi gagana O lenei tusiga puupuu o le a agai tonu lea i le taua o le Gagana Faa-failauga.
