E iai upu tu’u sa ou fa’alogo i ai. A afuafua se ma’itaga o se tama’ita’i, fai mai e afuafua fa’atasi ma ona tiga. E le toe fiafia e taumafa. Ua na o le momo’o solo i lea mea ma lea mea. Ua fiafia i le ‘o’ona o figota. Ua fiafia i fuala’au mata. Ua na o le solo ta’oto. Fai mai e sa ona toe nofo to’atasi i le fale. E sa fo’i le toe fealua’i to’atasi i fafo ma so’o se mea ne’i alu ane i ai se aitu. Sa ou fa’alogo fai mai na i’u lava ina ma’i aitu ana le fa’asufia seia o’o ina tautala mai le aitu, e le fanau. Ia ta’ilo pe la o ai na iai? (Tu’igamala 1993). Peita’i o sa is ma tapu o lea fo’i gasegase, e o’o lava i taumafa e fia taumafa ai. Ae o le afuaga lena o le putiputiga ma le fa’afaileleina o le tagata fou i totonu o Iona to’ala fa’a’autama ina ia ola a’e o se tagata e ola ma soifua i se si’osi’omaga maloloina ma apelepelea e lima alolofa ma le agalelei.
